დაბა ჟინვალში, ბესიკ ბუზალაძის სახელობის ჭიდაობა-ძიუდოს რეგიონალური ტურნირი ჩატარდა, რომელშიც მცხეთა-მთიანეთის სპორტულმა კლუბებმა მიიღეს მონაწილეობა.
ტურნირი 10 წონით კატეგორიაში, 2004-2006 და 2007-2009 წლებში დაბადებულ სპორტსმენებს შორის გაიმართა.
ჩემპიონები და პრიზიორები დაჯილდოვდნენ მედლებით, სიგელებით და ფასიანი საჩუქრებით.
დუშეთის მუნიციპალიტეტის მერმა, ზურაბ სეხნიაშვილმა პირადად დააჯილდოვა სპეციალური თასით წარმატებული ახალგაზრდა სპორტსმენი ნიკა მაჩხიძე - სოფელ ოძისიდან, ხოლო ბესიკ ბუზალაძის სახელობის სპეციალური პრიზი, მისი ქალიშვილებისგან გადაეცა ჟინვალელ სპორტსმენს - საბა ხალიშვილს.
გამოჩენილი სპორტსმენი და დამსახურებული მწვრთნელი ბესიკ ბუზალაძე, 20 წელზე მეტხანს ემსახურებოდა დუშეთის მუნიციპალიტეტში ჭიდაობა-ძიუდოს სფეროს და მის მიერ აღზრდილი ბავშვები, დღეს წარმატებული სპორტსმენები არიან.
მისი სახელობის ძიუდოს ტურნირი კი, ა(ა)იპ დუშეთის სასპორტო გაერთიანების ინიციატივით, 2015 წლიდან მუნიციპალიტეტში ტრადიციულად ტარდება.
ტურნირს გულშემატკივრებთან, მწვრთნელებთან და სპორტსმენებთან ერთად ესწრებოდნენ: დუშეთის მუნიციპალიტეტის მერის პირველი მოადგილე გიორგი თანიაშვილი, ა(ა)იპ დუშეთის სასპორტო გაერთიანების ხელმძღვანელი გია პაპუკაშვილი და დუშეთის სპორტ-სკოლის დირექტორი ლევან შერმადინი.
ინფორმაციას დუშეთის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.