პირდაპირ გეტყვით, რომ ბიძინა ივანიშვილი ვერ გადარჩება იმიტომ, რომ ხალხს კატეგორიულად აღარ უნდა. ხალხი ემზადება შეთქმულების მოსაწყობად, - განაცხადა „ერთიანი ნაციონალური მოძრაობის“ პოლიტიკური საბჭოს თავმჯდომარემ ნიკა მელიამ ტელეკომპანია „კავკასიას“ ეთერში სტუმრობისას.

„ნერვიულობენ, ისევე ნერვიულობენ, როგორც ნერვიულობდა - მე არ მახასიათებს, ვცდილობ ყოველ შემთხვევაში, რომ ვიყო გულწრფელი - ისევე ნერვიულობენ, როგორც ნერვიულობდნენ 2012 წელს რიგი „ნაციონალური მოძრაობის“ მაღალი თანამდებობის პირები და არც მაღალი, საშუალო დონის. მათ შინაგანად უკვე იცოდნენ, რომ შეიძლება წაეგოთ და სისულელე აკეთეს სისულელეზე და ჯამში რა მოხდა, ჩემზე კარგად იცით. ახლა იგივე ვითარებაა. მათ გგონიათ არ აქვთ ინფორმაცია, რომ ხალხს „ქართული ოცნება“ აღარ უნდა? და ჭიმავენ და ჭიმავენ ამ ზამბარას, მაგრამ ჭიმავენ „ქართული ოცნების“ საწინააღმდეგოდ და ამას ისეთი უკუგება ექნება, ისეთი ალიყური ექნება, გეუბნებით, ვეღარავინ ვეღარ გაუძლებს. არ მინდა-მეთქი, რომ გაეკიდოს ხალხი ამათ. არაფერი მაინც და მაინც კარგი არ მოაქვს როდესაც ხელისუფლება იცვლება რევოლუციური სცენარით, არ მოაქვს. რაღაცა არის შანსი რომ მოიტანოს, მაგრამ ხშირ შემთხვევაში კვლავ სხვა პრობლემების, გვერდითი პრობლემების წინაშე ვდგებით.

ამიტომ მოდით რაა, „ქართულ ოცნებას“ მივმართავ: ვიღაცა დიასამიძე არის სამხარეო პოლიციის უფროსი სამეგრელოში, თავიდან ბოლომდე არის ჩართული ამ არჩევნებში; ვიღაცა ჯიქია არის, გუბერნატორი ჰყავთ იქ, გვარი აღარ მახსოვს, იმის მოადგილეა, ის არის ჩართული; კაკავა არის ვიღაცა გახარიას მოადგილე, კაკავა, წარმოშობით მე მგონი იქიდან არის, ზუგდიდიდან, თხემით ტერფამდე პოლიციელები არიან ჩართულები. ვერ დაინახეთ ნარაზენში ტელეფონით სამხარეო პოლიციის უფროსის მოადგილე თავის პოლიციელებს რა მესიჯებს უგზავნიდა? პოლიციელები დასდევენ ახლა და ეს კინო ხომ ნანახი გვაქვს ხალხო, როგორ მთავრდება. თქვენ არ გაქვთ ნანახი? რატომ გგონიათ, რომ ბიძინა ივანიშვილი გადარჩება. პირდაპირ გეტყვით, ვერ გადარჩება. ვერ გადარჩება იმიტომ, რომ ხალხს აღარ უნდა, აღარ უნდა, კატეგორიულად აღარ უნდა. ხალხმა გადაწყვიტა, ხალხი ემზადება შეთქმულების მოსაწყობად თქვენი, ემზადება, სამზადისი მიდის უკვე“, განაცხადა ნიკა მელიამ.