ადიგენის მუნიციპალიტეტის სოფელ დერცელის საზაფხულო საძოვრებამდე მისასვლელი დაზიანებული გზის მონაკვეთი აღდგენილია. ადიგენის მუნიციპალიტეტის თვითმართველობა და სოფელ დერცელის მოსახლეობა მთელი დღის განმავლობაში ერთობლივი ძალებით ახდენდნენ სტიქიის სალიკვიდაციო ღონისძიებების განხორციელებას, ადგილზე მობილიზებული იყო მუნიციპალიტეტის ბალანსზე არსებული ტექნიკა.
აღნიშნულ ინფორმაციას ადიგენის ადგილობრივი ხელისუფლება ავრცელებს. მათი თქმით, ამ დროისათვის მოსახლეობა მთის მიმართულებით უპრობლემოდ გადაადგილდება. გარდა ამისა აღდგენილია დაზიანებული სასმელი წყლის სისტემა, მთაში მყოფ მოსახლეობას სასმელი წყალი შეუფერხებლად მიეწოდება.
დაზიანებული გზის მონაკვეთი და მისი სარეაბილიტაციო სამუშაოები სამცხე-ჯავახეთის გუბერნატორმა აკაკი მაჭუტაძემ და ადიგენის მუნიციპალიტეტის გამგებელმა ზაქარია ენდელაძემ მოინახულეს.
ადიგენის მუნიციპალიტეტის გამგეობის ინფორმაციით, გავრცელებული ინფორმაცია იმის შესახებ, რომ სოფელი დერცელი გარე სამყაროს იყო მოწყვეტილი და მას სასმელი წყალი არ მიეწოდებოდა, სიმართლეს არ შეესაბამება. მათივე ცნობით, დაზიანებული იყო მხოლოდ მთისკენ მიმავალი გზის ერთი მონაკვეთი, რომელიც სოფლიდან 7კილომეტრითაა მოშორებული და სოფელ დერცელში მისასვლეი გზისა და სასმელი წყლის პრობლემა არ ყოფილა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.