საქართველოს თავდაცვის ძალების აღმოსავლეთ სარდლობაში საცეცხლე მხარდაჭერის კოორდინაციის ვარჯიშები „საპასუხო ცეცხლი 2019“ მიმდინარეობს. სწავლებაში აღმოსავლეთ სარდლობის შტაბი, ასევე სარდლობაში შემავალი I ქვეითი IV მექანიზებული და V საარტილერიო ბრიგადის (ბატალიონების) შტაბები, საარტილერიო სადაზვერვო ჯგუფები, ასეულის საცეცხლე მხარდაჭერის ჯგუფები, სადაზვერვო ასეულის (ოცეულის) და ტანკსაწინააღმდეგო ჯგუფები მონაწილეობენ. სწავლებას სახმელეთო ჯარების აღმოსავლეთ სარდლობის G-3 პოლკოვნიკი გიორგი გრიგოლია ხელმძღვანელობს.
დღეს სწავლების მიმდინარეობას ადგილზე აღმოსავლეთ სარდლობის სარდალი, პოლკოვნიკი ალექსანდრე კიკნაძე გაეცნო. მან სწავლების ხელმძღვანელისგან წვრთნის აღსრულების პროცესის შესახებ ინფორმაცია პირადად მოისმინა და მონაწილე სამხედროებს შეხვდა.
„საპასუხო ცეცხლი 2019“ აღმოსავლეთ სარდლობის მიერ მსგავსი მაშტაბით პირველად ტარდება და მიზნად საცეცხლე მხარდაჭერის კოორდინაციის დახვეწას ისახავს.
სწავლებაში მონაწილე შტაბები და ქვედანაყოფები 3 დღის განმავლობაში საცეცხლე მხარდაჭერის გეგმების შემუშავებაში, კოორდინაციასა და მათ აღსრულებაში გაიწვრთნებიან.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.