„ერთიანი ნაციონალური მოძრაობის“ პოლიტიკური საბჭოს თავმჯდომარე ნიკა მელია „ქართული ოცნების“ თავმჯდომარის, ბიძინა ივანიშვილის მიერ პრემიერ მინისტრის პოსტიდან „გაგდებული“, „კორუფციაში მხილებული“ ირაკლი ღარიბაშვილის პოლიტიკაში დაბრუნებას აფასებს და აცხადებს, რომ ნორმალური არ არის, „ასეთი უღირებულებო და ფასეულობებისგან დაცლილი ადამიანის“ „პოლიტიკურ კაპიტალად“ წარმოჩენა.

„2019 წელს პოლიტიკურ კაპიტალად მე რომ კვლავ წარმომიდგენ შენი პარტიისას, ირაკლი ღარიბაშვილს, ნორმალური ხარ? ირაკლი ღარიბაშვილი, ადამიანი, რომელმაც მთელ ქვეყნაში დაარიგა საახალწლო მისალოცი ბარათები და ულოცავდა - გილოცავთ ახალ წელს პრემიერ მინისტრი ირაკლი ღარიბაშვილი და მომდევნო დღეს, რომ ამოარტყა ბიძინა ივანიშვილმა ფეხსაცმელი და გააგდო სახლში, ასეთი უღირებულებო და ფასეულობებისგან დაცლილი ადამიანი, ნორმალურია? ჯერ ერთი, ვინმე თუ კორუმპირებული იყო, ეს თავისი კახური კლანი იყო. წყლის კომპანიაში რომ დაიკარგა 4 მილიონი, არ გახსოვთ? რა გვარი იყო, საგამოძიებო ის რომ ჰყავდა, ცოლის ნათესავი. კორუფციაში მხილებული ადამიანი იყო და დააბრუნა და ყელყელაობს“, განაცხადა ნიკა მელიამ ტელეკომპანია „კავკასიას“ ეთერში.