მერქვას საქართველოს შინაგან საქმეთა მინისტრი, ეს ჩემთვის ძალიან დიდი გამოწვევაა და უზარმაზარი პასუხისმგებლობა ჩვენი მოსახლეობის წინაშე, - ამის შესახებ გიორგი მღებრიშვილმა შინაგან საქმეთა მინისტრად მისი წარდგენის შემდეგ განაცხადა.
გიორგი მღებრიშვილმა პრემიერ-მინისტრს გამოცხადებული ნდობისთვის მადლობა გადაუხადა.
"ჩვენი ქვეყნის აწმყო და მომავალი მნიშვნელოვანწილად დაკავშირებულია ამ სისტემის გამართულად ფუნქციონირებაზე. რომ მერქვას საქართველოს შინაგან საქმეთა მინისტრი, ეს ჩემთვის ძალიან დიდი გამოწვევაა და უზარმაზარი პასუხისმგებლობა ჩვენი მოსახლეობის წინაშე. არ შემიძლია, ძალიან დიდი მადლობა არ გადავუხადო სასჯელაღსრულებისა და პრობაციის სამინისტროს ყველა თანამშრომელს, რომლებიც დღედაღამ ჩემს გვერდით იდგნენ და მეხმარებოდნენ იმ ძირეული რეფორმების განხორციელებაში, რომელიც ჩვენ ამ სისტემაში განვახორციელეთ", - განაცხადა გიორგი მღებრიშვილმა.
მან სასჯელაღსრულების მინისტრის პოსტზე წარდგენილ კახა კახიშვილს წარმატებები უსურვა.
"მადლობა კახის, ვუსურვებ მას წარმატებებს. დარწმუნებული ვარ, რომ ბატონი კახი ღირსეულად გააგრძელებს იმ დარჩენილ განსახორციელებელ პროექტებს, რომელიც ჯერ კიდევ არსებობს", - განაცხადა მღებრიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.