10 უკრაინელი მცირეწლოვანი ბავშვის თანმხლები ქალი, რომელიც აცხადებს, რომ ბავშვები მისი შვილები არიან, დააკავეს.
დაკავებულის უფლებადამცველის განცხადებით, ქალი სამართალდამცავებმა ქუთაისში, გვიან ღამით ტრეფიკინგის ბრალდებით აიყვანეს.
დაკავებული ამჟამად თბილისში, წინასწარი დაკავების იზოლატორში იმყოფება.
„ბოლოს გუშინ 9 საათზე ველაპარაკე. მანქანა ელოდებოდა საავადმყოფოსთან. თბილისში უნდა წამოსულიყო ბავშვებთან ერთად, წყნეთში ბინაც ჰქონდა ნაქირავები. რა მოხდა არ ვიცი, დღეს დილით შემატყობინეს მისი დაკავების შესახებ", განაცხადა ადვოკატმა, ზურაბ თოდუამ „კურიერთან“ სატელეფონო საუბრისას.
უკრაინელი ქალის და 10 ბავშვის ზუგდიდში ყოფნის შესახებ ცნობილი მას შემდეგ გახდა, რაც ბავშვები საკვებით ინტოქსიკაციის მიზეზით საავადმყოფოში გადაიყვანეს.
ათი ბავშვის თანმხლებ ქალთან დაკავშირებით, შინაგან საქმეთა სამინისტრომ გამოძიება გასულ კვირას დაიწყო.
საგამოძიებო უწყების ინფორმაციით, უკრაინის მოქალაქე, რომელიც ზუგდიდში ერთ-ერთ ბინაში 10 ბავშვთან ერთად ცხოვრობდა, ამტკიცებს, რომ ისინი მისი შვილები არიან.
თუმცა, გამოძიების თანახმად, გამოიკვეთა, რომ 10 ბავშვიდან ოთხი 2017 წელს არის დაბადებული. სწორედ ამის გამო, დაიწყო შსს-მ უკრაინელი მოქალაქის მიმართ ტრეფიკინგის ბრალდებით გამოძიება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.