თბილისის მერის დავალებით, შპს „თბილსერვის ჯგუფისა“ და ინფრასტრუქტურის განვითარების საქალაქო სამსახურის ორგანიზებით, მდინარე მტკვრის დასუფთავების სამუშაოები მიმდინარეობს.
დასუფთავების აქცია მეტეხის ხიდის მიმდებარე ტერიტორიიდან დაიწყო და საყოფაცხოვრებო ნარჩენებისგან - პოლიეთილენის პაკეტებისა და პლასტმასის ბოთლებისგან მდინარის გაწმენდას ითვალისწინებს.
„თბილისის მერის დავალებით, მეტეხის ხიდის მიმდებარე ტერიტორიაზე დასუფთავების აქცია ტარდება, რადგან დღეს დილიდან, მდინარეში დიდი ოდენობით საყოფაცხოვრებო ნარჩენი დაფიქსირდა. საჭიროების შემთხვევაში, აღნიშნული აქცია მომდევნო დღეების განმავლობაში - ტერიტორიის სრულ დასუფთავებამდე გაგრძელდება“, განაცხადა „თბილსერვის ჯგუფის“ დირექტორის მოადგილე დავით დოლიძემ.
„თბილსერვის ჯგუფი“ საგანგებო სიტუაციების მართვის სამსახურს დახმარებისთვის მადლობას უხდის.
ინფორმაციას თბილისის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.