თბილისის მერმა კახა კალაძემ ფაშიზმზე გამარჯვების 74-ე წლისთავთან დაკავშირებით, ვაკის პარკში უცნობი ჯარისკაცის საფლავი, პრემიერ მინისტრთან და საკრებულოს თავმჯდომარესთან ერთად, გვირგვინით შეამკო.
დედაქალაქის მერმა ომის ვეტერანებს ფაშიზმზე გამარჯვების 74-ე წლისთავი მიულოცა და აღნიშნა, რომ კაცობრიობა ფაშიზმისგან სწორედ მათმა თავგანწირვამ იხსნა.
„გილოცავთ ფაშიზმზე გამარჯვების დღეს. ამ დღეს განსაკუთრებით ვულოცავ ომის ვეტერანებს, რომლებმაც მეორე მსოფლიო ომის დროს თავიანთი თავგანწირვისა და გმირობის ფასად კაცობრიობა ფაშიზმისგან იხსნეს. 74 წელი გავიდა მას შემდეგ და სამწუხაროა, რომ ჩვენი ვეტერანები ყოველწლიურად გვაკლდება. მათ, პირველ რიგში, ჯანმრთელობას, დიდხანს სიცოცხლესა და სიძლიერეს ვუსურვებ“, განაცხადა კახა კალაძემ.
ფაშიზმზე გამარჯვების 74-ე წლისთავისადმი მიძღვნილ ღონისძიებაში თბილისის მერიის საკონცერტო ორკესტრი „ბიგ ბენდი“, თბილისის მერიის პირველი სახელოვნებო სკოლის ბიჭუნათა კაპელა და თავდაცვის სამინისტროს ორკესტრი მონაწილეობდნენ.
ვაკის პარკში დედაქალაქის მერთან ერთად, თბილისის მერის მოადგილეები, ასევე, საქართველოს მთავრობის, პარლამენტისა და თბილისის საკრებულოს წევრები იმყოფებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.