კომპანია "ჯორჯიან უოთერ ენდ ფაუერი", დღეს საღამოდან, გლდანის VIII მ/რაიონში, წყალსადენის 450 მმ-იან ქსელზე დაზიანების სალიკვიდაციო სამუშაოებს ჩაატარებს.


კომპანიის ინფორმაციით, სამუშაოების ჩატარების მიზნით, დღეს, 3 აგვისტოს 20:00 საათიდან 4 აგვისტოს 12:00 საათამდე წყალმომარაგება შეუწყდება: გლდანისV, VI,VII და VIII მ/რ-ებს, სოფ. გლდანს, გიორგიწმინდასა და ბერთუბანს, ასევე თიანეთის გზატკცილსა და სასჯელაღსრულების დეპარტამენტის N8 დაწესებულებას.



წყალმომარაგება აღდგება, ხვალ, 4 აგვისტოს 12:00 საათიდან ეტაპობრივად, ტექნიკური სამუშაოების დასრულებისთანავე.


"ჯორჯიან უოთერ ენდ ფაუერი" შექმნილი დისკომფორტისთვის მომხმარებლებს ბოდიშს უხდის და შეეცდება სამუშაოების ჩატარება შესაძლებლად მოკლე დროში დაასრულოს.