ქალაქ ბათუმში საერთაშორისო ტურიზმის მე-12 და სასტუმრო აღჭურვილობის მე-2 სამედიცინო ტურიზმის გამოფენა „ექსპო-ბათუმი 2019“ გაიმართა. გამოფენაზე მესტიის მუნიციპალიტეტი მეხუთედ იქნა წარმოდგენილი.

წელს მესტიის მუნიციპალიტეტის მერიას გამოფენაზე წარმოდგენილი ჰქონდა საინფორმაციო ბუკლეტები, მესტიის მუნიციპალიტეტში არსებული სასტუმროებისა და საოჯახო სახლების, ტურისტული გამყოლების, მანქანების თუ ცხენების გაქირავების, ტურისტული მარშუტებისა, ღირსშესანიშნაობებისა და ზამთრის კურორტების შესახებ.

წელს განსაკუთრებული ყურადღება დაეთმო გამოფენაზე დამსწრე საზოგადოებისთვის სვანური ტრადიციული სამზარეულოს წარდგენას.

ა.(ა).ი.პ. მესტიის კულტურისა და ხელოვნების ცენტრის მომღერლები უძველეს სვანურ სიმღერებს სვანური ტრადიციული ფოლკლორული საკრავების ჩანგისა და ჭუნირის თანხლებით ასრულებდნენ.

"EXPO BATUMI TRAVEL / EXPO MED BATUMI 2019" გამოფენის ორგანიზატორი საერთაშორისო საგამოფენო კომპანია “GEONET EXPO"-ა. გამოფენა ფართო მასშტაბის მატარებელია, ის წლიდან წლამდე უფრო მიმზიდველი და შედეგის მომტანი ხდება. გამოფენაში, როგორც ადგილობრივი, ისე უცხოური ქვეყნის კომპანიები მონაწილეობენ. გამოფენებში მონაწილეობას იღებს კომპანიები შემდეგი ქვეყნებიდან: საქართველო, უკრაინა, თურქეთი, რუსეთი, ირანი, აზერბაიჯანი, გერმანია, ბელორუსია, ჰოლანდია, პოლონეთი, ლიტვა, ლატვია, ესტონეთი.

ინფორმაციას მესტიის მუნიციპალიტეტის მერია ავრცელებს.