13 ივნისის თბილისში მომხდარი სტიქიის შედეგად დაზარალებულთათვის 19 მილიონი ლარია აკუმულირებული, – ამის შესახებ თბილისის მერმა დავით ნარმანიამ განაცხადა.
მერის თქმით, სტიქიის შედეგად დაზარალებულთათვის დახმარების პროცესი სოციალური სამართლიანობის დაცვით მიმდინარეობს.
“19 მილიონ ლარამდე არის აკუმულირებული იმ მოსახლეობის მხარდასაჭერად და მათთვის ბინების შესაძენად, რომლებიც სტიქიის შედეგად დაზარალდნენ. შესაბამისად, ეს პროცესი სოციალური სამართლიანობის პრინციპების დაცვით მიმდინარეობს. ვინც ნახა და შეარჩია შესაბამისი ბინები, მათი გარკვეული ნაწილი უკვე დაკმაყოფილებულია. პროცესი მიმდინარეობს პარალელურ რეჟიმში”, – განაცხადა დავით ნარმანიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.