„ქალბატონი ზოია ქვარცხავა, ჩვენი წარმომადგენელი [ზუგდიდის] 87-ე საუბნო საარჩევნო კომისიაში, იმყოფებოდა კომისიის ტერიტორიაზე, როდესაც გაურკვეველი პირები გადმოვიდნენ მანქანიდან და მათ განახორციელეს ჰაერში გასროლა პისტოლეტის ტიპის იარაღიდან“, განაცხადა ახლახან გამართულ საგანგებო ბრიფინგზე „ერთიანი ნაციონალური მოძრაობის“ დეპუტატმა, თინათინ ბოკუჩავამ და მოითხოვა პოლიციისგან, რომ დაუყოვნებლივ მოხდეს აღნიშნული ფაქტის გამოძიება.

„მიუხედავად წინააღმდეგობისა, ქალბატონმა ზოიამ შეძლო რომ დაეფიქსირებინა იმ მანქანის ნომერი, რომლიდანაც აღნიშნული პირები გადმოვიდნენ, ჩვენ გაგვაჩნია ფოტომასალა ამსახველი ამ ნომრის და აღმოჩნდა, რომ ეს იყო იგივე მანქანა, რომელიც იმყოფებოდა საოლქო საარჩევნო კომისიის შენობაში 14 მაისს, როდესაც იყო მცდელობა მირანდა მესხის ორგანიზებით სიების გატაცების, რომელიც ჩვენ შემდგომ დავაბრუნებინეთ. ფაქტია, რომ ეს არის ორგანიზებული მცდელობა, რომ დააშინონ ოპოზიციის წარმომადგენლები. ფაქტია, რომ ეს ადამიანი არის „ქართული ოცნების“ ზონდერი, რომელიც ერთის მხრივ ცდილობს მოიპაროს სიები, რისი საშუალებაც ჩვენ მას არ მივეცით და მეორეს მხრივ იარაღით და გასროლით დააშინოს ოპოზიციის ყველაზე აქტიური წარმომადგენლები, მათ შორის კომისიის წევრები. ეს მათ არ გაუვათ. ჩვენ მოვითხოვთ პოლიციისგან მოხდეს დაუყოვნებლივ აღნიშნული ფაქტის გამოძიება, არა მხოლოდ დაისაჯონ ის ადამიანები, რომლებმაც მოახდინეს გასრლა, არამედ ასევე დაისაჯონ ის ადამიანებიც, ვინც გასცა ეს უკანონო ბრძანება. ჩვენ ძალიან კარგად ვიცით უკვე ვინც არის ამ მანქანის მეპატრონე, ეს არის ირაკლი ჩანგელია, რომელიც დაბადებულია 1999 წელს. თუ ჩვენ გვაქვს ეს ინფორმაცია, იმედი გვაქვს, რომ პოლიციას ასევე აქვს ეს ინფორმაცია და მოახდენს დაუყოვნებლივ რეაგირებას, თუმცა ეს არ არის საკმარისი. ასევე უნდა დაისაჯონ ის ადამიანებიც, ვინც გასცეს ეს უკანონო ბრძანება“, განაცხადა თინათინ ბოკუჩავამ.