საქართველოს მთავრობის 2015 წლის 30 ივლისის №387 დადგენილებით, სახელმწიფო უსაფრთხოების სამსახურში მოსამსახურეთა ხელფასი განისაზღვრა. სახელმწიფო უსაფრთხოების სამსახურის უფროსს თანამდებობრივი სარგო (ხელფასი) 3540 ლარი ექნება.


ამავე დადგენილების მიხედვით, უსაფრთხოების სამსახურის უფროსის პირველ მოადგილეს 2 950 ლარი, ხოლო უფროსის მოადგილეს 2 720 ლარი ექნება.


გენერალური ინსპექციისა და ადმინისტრაციის უფროსების ხელფასი იქნება 2 705 ლარი.


მომსახურე პირებისთვის გათვალისწინებულია დანამატების გაცემის პრინციპები, კერძოდ, სახელმწიფო სპეციალური ან/და სამხედრო წოდების მქონე სამსახურის მოსამსახურეებს სახელმწიფო სპეციალური ან/და სამხედრო წოდებით ნამსახურები კალენდარული წლების მიხედვით ხელფასზე ყოველთვიური პროცენტული დანამატი დაერიცხებათ. 1-დან 2 წლამდე  - 5%; 2-დან 5 წლამდე - 10%; 5-დან 10 წლამდე -15%; 10 წელი და მეტი - 20%;


დადგენილება ასევე განსაზღვრავს სავალდებულო სამხედრო სამსახურის მოსამსახურეებისათვის ყოველთვიური ხელფასის ოდენობას, რაც 23 ლარს შეადგენს. ხოლო მათთვის ყოველთვიურად ხელფასზე დანამატი 9 ლარი იქნება.


დადგენილებით, წოდებრივი სარგოები გათვალისწინებულია სხვადასხვა სამხედრო ან სპეციალური წოდების პირებისთვის. მათ შორის კაპრალისა და პოლიციის რიგითისთვის წოდებრივი სარგო 3 ლარის ოდენობითაა გათვალისწინებული, სერჟანტისთვის - 5 ლარი, ლეიტენანტისთვის - 25 ლარი და ა.შ.