„ჩემთვის კითხვის ნიშნები მას შემდეგ მოიხსნა, რაც სააკაშვილმა დაადასტურა, რომ არათუ ემიჯნება იმ განცხადებას - არეულობის, ადუღების, დაპირისპირებების პროვოცირების თაობაზე, არამედ სწორედ ეს არის მათი გეგმა და ხელგამოწვდილი ვერ დაელოდება იმას, თუ რას იტყვის საერთაშორისო დამკვირვებლების ჯგუფი“ - განაცხადა „ქართული ოცნების“ ერთ-ერთმა ლიდერმა გიორგი ვოლსკიმ.

„ეს პირდაპირი მოწოდება პირველად არ გაისმის და სწორედ აქედან გამომდინარე, მე პირადად და ძალიან დიდ ნაწილს, ვფიქრობ აქვს ეჭვი, რომ სწორედაც ეს არის გეგმა, რადგან იციან, რომ სანდრა რულოვსი გამარჯვების შემთხვევაშიც კი არ წარმოადგენს ქალაქის მერობისთვის მოწოდებულ ან ორიენტირებულ ადამიანს.

ეს უნდა გახდეს სიმბოლო სააკაშვილისთვის, რომელიც ხალხს დაპირისპირებისკენ წაიყვანს. რასაკვირველია, ამ ყველაფერს გამოძიება პასუხს გასცემს, თუმცა ყველასთვის ცხადია, რომ ეს არის თემა, რომელიც დღის წესრიგში დგას“, აღნიშნა ვოლსკიმ.