ცენტრალური საარჩევნო კომისიის თავმჯდომარემ ცოტა ხნის წინ გამართულ საგანგებო ბრიფინგზე საქართველოში ჩატარებული არჩევნების პირველადი შედეგები გაასაჯაროვა.

თამარ ჟვანიამ ზუგდიდის #67 საარჩევნო ოლქის 107 უბნიდან 74 უბნის შედეგები წარადგინა.

მისი განცხადებით, ზუგდიდის 67-ე საარჩევნო ოლქში „ქართული ოცნების" მერობის კანდიდატს, გიორგი შენგელიას ამომრჩეველთა 54.45%-მა დაუჭირა მხარი.

რაც შეეხება გაერთიანებული ოპოზიციის მერობის კანდიდატს, სანდრა რულოვსს, მან ცესკოს წინასწარი მონაცემებით, ამომრჩეველთა ხმების 42.75% მიიღო.

მთაწმინდის ოლქში 31 უბნიდან 27 უბნის მონაცემების მიხედვით, შალვა შავგულიძეს 36.75%, ვლადიმერ კახაძეს კი, 41.28% აქვს მიღებული.

მარნეულის ოლქში არსებული 90 უბნიდან 81 უბნის მონაცემების თანახმად, ახმედ იმამკულიევი - 7.73%, აგილ მუსტაფაევი - 11.06%, ზაურ დარგალი - 79.08%.

ზესტაფონის ოლქში 53 უბნიდან მონაცემები 52 უბანზე დათვლილია. ბაქარ ხიჯაკაძე - 34.29%, ანზორ ნებიერიძე - 2.66%, გიორგი წულაია - 5.83%, გიორგი გოგლიჩიძე - 50.57%.

ჭიათურის საარჩევნო ოლქში 57 უბნის მონაცემების მიხედვით, გივი მოდებაძე - 64.37%, ზურაბ კუპატაძე - 18.1%, დავით ჭუმბურიძე - 15.36%.

ხულოს ოლქში 54-ვე უბანზე დათვლილია მონაცემები. შედეგები კი ასე გამოიყურება - ირაკლი ჯორბენაძე - 23.74%, ვახტანგ ბერიძე - 70.91%.