ასოციაციის „ქართველები საფრანგეთში“ ორგანიზებითა და ხონის მუნიციპალიტეტის ადგილობრივი ხელისუფლების მხარდაჭერით, ძეძილეთის ადმინისტრაციულ ერთეულში საქველმოქმედო აქცია ჩატარდა.

ძეძილეთში, ღვედში, გვიშტაბსა და გელავერში მცხოვრებ მოსახლეობას საჩუქრად ტანისამოსი გადაეცათ. საქველმოქმედო ღონისძიებაში მნიშვნელოვანი მატერიალური წვლილი შეიტანა ფრანგულმა ასოციაციამ ,,აქსიონ დოღიან“ (Action d”Orient).

საქველმოქმედო ტვირთის ტრანსპორტირება უზრუნველყო გადამზიდავმა კომპანიამ Iberia Express Impex. I E I .

„ხონის მუნიციპალიტეტის მერია, მადლობას უხდის თითოეულ ადამიანს, ორგანიზაციას, რომლებმაც წვლილი შეიტანეს აღნიშნული საქველმოქმედო აქციის განხორციელებაში და განსაკუთრებით საფრანგეთში მცხოვრებ ქართველებს, რომლებმაც სითბო და სიყვარული უწილადეს თანამემამულეებს“, აღნიშნულია ხონის მუნიციპალიტეტის მერიის პრესსამსახურის მიერ გავრცელებულ ინფორმაციაში.