თბილისის მერი ეროვნულ-დემოკრატიული ინსტიტუტის კვლევის შედეგებს ეხმაურება. შეკითხვაზე, შეუქმნის თუ არა კახა კალაძეს პრობლემას თანაგუნდელებში ის, რომ პოლიტიკოსებისადმი დადებითი დამოკიდებულების რეიტინგში 40%-იანი შედეგით ჯანდაცვის მინისტრთან ერთად ლიდერობს, მერმა განაცხადა:

„პრობლემას რატომ შემიქმნის. სპორტიდან მოვდივარ და ერთი რამ ვიცი და მჯერა – როგორც სპორტში, იგივეა პოლიტიკაში, თუ არ არსებობს ძლიერი და პროფესიონალი ადამიანებისგან დაკომპლექტებული გუნდი, შეუძლებელია, ორმა-სამმა ადამიანმა განახორციელოს და უპასუხოს პრობლემებს ან მოიგოს თამაშები, როგორც სპორტშია. რაც უფრო მეტი წარმატებული ადამიანი იქნება, მით უფრო უკეთესია „ქართული ოცნებისთვის“, ჩვენი გუნდისთვის. ვისურვებდი, რომ ყველა მინისტრი გაკეთებული საქმეებით რეიტინგებში ჩემზე მაღლა იყოს. ეს ჩემთვის და გუნდისთვის იქნება დადებითი, პირველ რიგში, ქვეყნისთვის. თუ გინდათ, რომ მათქმევინოთ ჩემს ნაწილში ვენდობი თუ არა კვლევას, რა კაია და ტაში დავუკრა, ასე არ არის“.