„მიუხედავად იმისა, რომ უპასუხისმგებლო პოლიტიკური ძალები ცდილობდნენ შეეტანათ დისონანსი საარჩევნო პროცესში, მათ ეს არ გამოუვიდათ“, განაცხადა საქართველოს პრემიერ მინისტრმა, მამუკა ბახტაძემ ამ წუთებში მიმდინარე ბრიფინგზე.

„ყველა ოლქში, პირველივე ტურში გაიმარჯვეს ჩვენს მიერ წარდგენილმა კანდიდატებმა. რაც შეეხება მთაწმინდას, აქ გვაქვს მეორე ტური, რომელიც ამავე დროს არის გამოვლინება დემოკრატიულად ჩატარებული არჩევნების. მე დარწმუნებული ვარ, რომ მეორე ტური ჩაივლის ისეთივე რეჟიმში, როგორიც იყო პირველი ტური - მშვიდობიანად, დემოკრატიის უმაღლესი სტანდარტების დაცვით, სადაც ადგილობრივი მცხოვრებლები გააკეთებენ თავიანთ არჩევანს. მიუხედავად იმისა, რომ უპასუხიმგებლო პოლიტიკური ძალები ცდილობდნენ შეეტანათ დისონანსი ამ პროცესში, მათ ეს არ გამოუვიდათ“, განაცხადა ბახტაძემ და მადლობა გადაუხადა საარჩევნო კომისიის წარმომადგენლებს.