"პოლიტიკური რეფორმები გადამწყვეტია, რადგანაც უკრაინა და საქართველო რუსეთის მხრიდან თავდასხმის წინაშე დგანან", - ამ სათაურით აქვეყნებენ მოსაზრებებს ამერიკელი კონგრესმენები, "რესპუბლიკელები" პიტერ როსკამი და დევიდ პრაისი rollcall.com-ის გვერდზე.


"თუ აშშ და ევროპა უკრაინისა და საქართველოს მხარდაჭერისგან თავს შეიკავებენ, რუსეთი ამ სიცარიელის შევსებას მშვიდად შეეცდება არამხოლოდ აღმოსავლეთ უკაინაში სამხედრო აგრესიით, არამედ ძლიერი ეკონომიკური და პოლიტიკური იერიშებით. გავრცელებული ცნობების მიხედვით, საქართველოსა და ასევე უკრაინაში ზოგი პოლიტიკური ელემენტი მსგავსი მცდელობების სიცხადეს გვიჩვენებს", - წერენ ამერიკელი კონკრესმენები.


"ცოტა ხნის წინათ ჩვენ უკრაინასა და საქართველოში კონგრესმენების დელეგაციას ვხელმძღვანელობდით, შევხვდით როგორც ყოველთვის პრეზიდენტებს და პრემიერ-მინისტრებს, ასევე ყველა რანგის და მოსაზრების მქონე ათობით პარლამენტარს. ჩვენ არასოდეს გვინახავს ევროპის ნაწილად გახდომის არც მსგავსი ძლიერი სურვილი და არც უფრო ძლიერი გაცნობიერება იმისა, რომ ეროვნული წარმატება დამოკიდებულია შიდა რეფორმებზე. ჩვენ დავბრუნდით დარწმუნებულები, რომ აშშ-მ და ჩვენმა ევროპელმა მოკავშირეებმა უნდა იპოვონ მხარდაჭერის გამოხატვის სარწმუნო გზები", - წერენ "რესპუბლიკელები".


კონგრესმენების თქმით, მათ საქართველოსა და უკრაინაში ვიზიტის დროს ნახეს, რომ ამ ორ ქვეყანას აქვს ეფექტური სამთავრობო ინსტიტუტების განვითარების სურვილი, კორუფციისა და არასტაბილურობის დაძლევის მიზნით კი კანონმდებლები აქტიურად მუშაობენ.

სტატიის ინგლისურენოვანი ვარიანტი სრულად იხილეთ: http://www.rollcall.com/news/political_reform_is_critical_as_ukraine_georgia_face_russian_offensive-243147-1.html