საქართველოს ყოფილმა პრეზიდენტმა, მიხეილ სააკაშვილმა, რომელიც ოთხშაბათ საღამოს ვარშავიდან კიევში ჩაფრინდება - მას შემდეგ, რაც მას უკრაინის ახალმა პრეზიდენტმა, ვლადიმერ ზელენსკიმ სამშაბათს მოქალაქეობა აღუდგინა - „რუსთავი 2“ -ის გადაცემა „არჩევანში“ განაცხადა, რომ უკრაინაში ასეულობით ათასი მხარდამჭერი ჰყავს, ზელენსკის გუნდში კი ბევრი მეგობარი და უკრაინას თავის გამოცდილებას გაუზიარებს.

„მივდივარ სახლში იმიტომ, რომ პატარა სახლი გვაქვს ჩვენ ოჯახს კიევის გარეუბანში, მთელი ჩემი ნივთები იქ დამრჩა, როდესაც ბანდიტურად მომიტაცეს და გამიშვეს ქვეყნის გარეთ. კარგია, რომ დავფუძნდები ერთ ადგილზე; კარგია, რომ მყავს უამრავი, ასობით ათასი მომხრე უკრაინაში ვინც მხარს მიჭერს. ზელენსკის გუნდში ბევრი ჩემი მეგობარია და რაც მთავარია, ახალი ენთუზიაზმი, ახალი ენერგია უკრაინაში და მე რაც შემეძლება მათ ყველანაიარად გავუზიარებ ჩემს გამოცდილებას, როგორც წარმატებების ასევე მარცხის“, განაცხადა მიხეილ სააკაშვილმა.