საქართველოს პარლამენტმა ცხოველთა მონიტორინგის სააგენტოსა და დედაქალაქის მერის კახა კალაძის ინიციატივის საფუძველზე მომზადებული, ცხოველებისადმი სასტიკად მოპყრობასთან დაკავშირებული საკანონმდებლო ცვლილებათა პაკეტი მესამე მოსმენით მიიღო.
ცხოველთა მონიტორინგის სააგენტო მადლობას უხდის პარლამენტს აღნიშნული ინიციატივის მხარდაჭერისა და შესაბამისი საკანონმდებლო ცვლილებების განხორციელებისათვის.
მიღებული კანონით, ცხოველებისადმი არასათანადო და სასტიკად მოპყრობისათვის გათვალისწინებული სასჯელის ზომები გამკაცრდა და ცვლილებები საქართველოს სისხლის სამართლის კოდექსის 259-ე მუხლისა და ადმინისტრაციულ სამართალდარღვევათა კოდექსის 104-ე და 172-ე მუხლებში შევიდა.
მოქმედი სამართლებრივი რეგულაციები არ შეესაბამებოდა არსებულ რეალობასა და თანამედროვე, დასავლური განვითარებული ქვეყნების პრაქტიკას. აღნიშნული ცვლილებების განხორციელებით, კანონი შესაბამისობაში მოვიდა საერთაშორისო სამართლებრივ სტანდარტებთან. ამასთან, დადგენილი ნორმები მართლსაწინააღმდეგო ქმედების აღკვეთისა და პრევენციის, ასევე, სასჯელის განსაზღვრის თვალსაზრისით, ეფექტური და მოქნილი გახდა.
კანონში შეტანილი ცვლილებების თანახმად, კონკრეტულად განისაზღვრა მართლსაწინააღმდეგო ქმედებების კვალიფიკაცია და თითოეული კანონდარღვევისათვის დადგინდა ადეკვატური სანქციის ზომა. ასევე, არასრულწლოვანი პირის მიერ ცხოველის მიმართ არასათანადოდ მოპყრობის შემთხვევაში განისაზღვრა მშობლის პასუხისმგებლობა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.