ვაკის რაიონის გამგეობის „ბინათმესაკუთრეთა ამხანაგობების განვითარების ხელშეწყობის პროგრამით“, წყნეთში, ორ მისამართზე საცხოვრებელი სახლების გამაგრების სამუშაოები განხორციელდა.
რეაბილიტაცია სოხუმის N13-ში და გურამიშვილის N40-ში ადგილობრივი მცხოვრებლების მომართვიანობის საფუძველზე ჩატარდა. სოხუმის N13-ში ოთხი, ხოლო გურამიშვილის N40-ში რვა ოჯახი ცხოვრობს. პროექტების შედეგად, მათი საცხოვრებელი გარემო განახლებული, გამაგრებული და უსაფრთხოა.
გურამიშვილის N40-ში მიმდინარე სამუშაოების პირველ ეტაპზე, აგურის კედლების, ბეტონის ფილების, კიბეების, ფანჯრებისა და აივნების დემონტაჟი განხორციელდა, გამაგრდა სახლის საძირკველი, მოეწყო კიბეები, განახლდა სართულშუა გადახურვა.
რაც შეეხება სოხუმის N13-ში არსებულ სახლს, ტერიტორიაზე მიწის სამუშაოები ჩატარდა, გამაგრდა საძირკველი, მოხდა კარ-ფანჯრების მოჩარჩოება და ფასადის რეაბილიტაცია. გარდა ამისა, განახლდა სახლის გადახურვა და უახლოეს მომავალში ახალი კარი დამონტაჟდება.
საცხოვრებელი სახლების გამაგრების სამუშაოები გამგეობის დაკვეთით, კომპანიებმა -„ბილდინგი“ და შპს „ანი“ განახორციელეს.
პროექტის ღირებულება სოხუმის ქუჩაზე, დაახლოებით, 50 000-მდე ლარი, გურამიშვილის ქუჩაზე კი, 65 000-მდე ლარია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.