გლდანის რაიონში ფორე მოსულიშვილის ქუჩის კაპიტალური რეაბილიტაცია დასრულდა. აღნიშნულ ქუჩაზე გზის საფარი დაზიანებული იყო და სანიაღვრე ქსელი არ არსებობდა.
სამუშაოების ფარგლებში, საგზაო ინფრასტრუქტურა ჯამში, 9 200 კვადრატული მეტრის ფართობზე მოწესრიგდა. დაახლოებით, 480 გრძივ მეტრზე სანიაღვრე ქსელი მოეწყო, 6 400 კვ.მ ფართობზე კი, ასფალტის ორფენიანი საფარი დაიგო.
ამ ეტაპზე, მოსულიშვილის ქუჩაზე გამწვანების ზონის მოსაწყობად, შესაბამისი სამუშაოები ხორციელდება, შემოდგომაზე კი ნარგავები დაირგვება.
დასრულებული სამუშაოები გლდანის რაიონის გამგებელმა ბექა მიქაუტაძემ პარლამენტისა და საკრებულოს მაჟორიტარ დეპუტატებთან, კობა კობალაძესთან და გულია გოცირიძესთან ერთად დაათვალიერა.
„გლდანის რაიონში არაერთ მისამართზე გზის საფარის კაპიტალური მოწყობა განვახორციელეთ, მათ შორის, მოსულიშვილის ქუჩაზე, სადაც გზის ამორტიზებული საფარი შეიცვალა და სანიაღვრე ქსელი მოეწყო. რაიონის მასშტაბით, სხვა ქუჩების რეაბილიტაციასაც განვახორციელებთ და არაერთ ქუჩას მოვაწესრიგებთ“, განაცხადა ბექა მიქაუტაძემ.
სამუშაოები ტენდერში გამარჯვებულმა ამხანაგობა „ენკამ“ განახორციელა. პროექტის ღირებულება დაახლოებით, 672 400 ლარია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.