საქართველოს შინაგან საქმეთა სამინისტროს გენინსპექციის უფროსად ირაკლი ჭოხონელიძე დაინიშნა. ამ თანამდებობის დაკავებამდე, ირაკლი ჭოხონელიძე საქართველოს სასჯელაღსრულებისა და პრობაციის სამინისტროს ადმინისტრაციული დეპარტამენტის უფროსი იყო.
ირაკლი ჭოხონელიძე 1974 წლის 2 ივნისს დაიბადა. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი.
მისი კარიერა შსს-დან დაიწყო, 1996 წელს თბილისის მთავარი სამმართველოს საგამოძიებო დეპარტამენტის გამომძიებლის თანაშემწედ მუშაობდა, იყო შსს ქ.თბილისის მთავარი სამმართველოს დიდუბე-ჩუღურეთის რაიონის საგამოძიებო სამსახურის უფროსი გამომძიებელი; შსს ქ.თბილისის მთავარი სამმართველოს გლდანი-ნაძალადევის რაიონის მე-8 განყოფილების უფროსის მოადგილე (უფროსის მოვალეობის შემსრულებელი).
2003-2012 წლებში ირაკლი ჭოხონელიძეს საქართველოს პარლამენტის აპარატის იურიდიული დეპარტამენტის წამყვანი სპეციალისტის თანამდებობა ეკავა.
2014 წელს იგი ქვემო ქართლის სამხარეო გუბერნატორის პირველ მოადგილედ დაინიშნა, ხოლო 2014 დღემდე საქართველოს სასჯელაღსრულებისა და პრობაციის სამინისტროს ადმინისტრაციული დეპარტამენტის უფროსის თანამდებობა ეკავა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.