„ხალხის სამართლიანი პროტესტის გამოყენება სცადეს პოლიტიკოსებმა, პროვოკატრომა „ნაციონალებმა“ და ყველა ვინც ამას გაბედავს, პასუხს აგებს კანონის წინაშე“, - განაცხადა პრემიერ მინისტრის მრჩეველმა სოზარ სუბარმა ცოტა ხნის წინ ჟურნალისტებთან საუბრისას.

„არ ვიცი მოლაპარაკებები მიმდინარეობს თუ არა. მე ერთი რამე ვიცი, რომ ხალხის სამართლიანი პროტესტის გამოყენება სცადეს პოლიტიკოსებმა, პროვოკატრომა „ნაციონალებმა“ და ყველა ვინც ამას გაბედავს, პასუხს აგებს კანონის წინაშე. ამის გარანტიას გაძლევთ ყველას. არანაირი არეულობები... ყველა წავა ციხეში ვინც კანონს დაარღვევს. არანაირი არეულობა არ მოხდება ამ ქვეყანაში, კიდევ ერთხელ არ ავარევინებთ ამათ ქვეყანას და კიდევ ერთხელ დიდი მადლობა ვუთხრა პოლიციას, რომელიც აბსოლუტურად კანონის ფარგლებში იცავს წესრიგს და ძალიან ვთხოვ ჟურნალისტებს ნუ ავრცელებთ ტყუილს, რომ პოლიცია იყენებს რაღაც საშუალებებს“, განაცხადა სუბარმა და დაამატა, რომ „არავინ არ გადადგება“.