საქართველოს თავდაცვის ძალების უფროსმა სამხედრო წარმომადგენელმა ავღანეთში, პოლკოვნიკმა ზაქარია კალანდაძემ ბაგრამის საავიაციო ბაზის მეთაურს, ბრიგადის გენერალ დენიელ კონლის თავდაცვის მინისტრის ლევან იზორიას ბრძანების საფუძველზე მედალი „გენერალი კვინიტაძე“ გადასცა. აშშ-ის საზღვაო ქვეითების გენერალმა თავდაცვის სამინისტროს უწყებრივი მედალი ქართული ქვედანაყოფებისთვის ავღანეთში აღმოჩენილი მხარდაჭერისა და ქართულ-ამერიკული სამხედრო თანამშრომლობის ჩამოყალიბებაში შეტანილი წვლილისთვის მიიღო.
ბაგრამის საავიაციო ბაზის მეთაურმა კიდევ ერთხელ აღნიშნა ქართველი სამხედროების მაღალი კვალიფიკაცია და თავდადება „მტკიცე მხარდაჭერის“ მისიის მსვლელობისას.
სწორედ გენერალ კონლის ინიციატივით, ბაგრამის საავიაციო ბაზაზე 43-ე ბატალიონის მეთაური, ვიცე-პოლკოვნიკი ლაშა დავითაძე კოალიციური ძალების უფროსი სამხედრო მრჩევლის ფუნქციებს შეასრულებს. ამ რანგში დღესვე 43-ე ბატალიონის მეთაური ავღანეთის უსაფრთხოების ძალების წარმომადგენლებს შეხვდა. შეხვედრაზე, რომელსაც აშშ-ის საზღვაო ქვეითების გარდა ჩეხი სამხედრო მოსამსახურეებიც ესწრებოდნენ, რეგიონში არსებული უსაფრთხოების გამოწვევების შესახებ ისაუბრეს და ავღანური ძალოვანი სტრუქტურებისთვის სხვადასხვა მხარდამჭერი ღონისძიება დაგეგმეს.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.