ახალქალაქის საწყისი საბრძოლო მომზადების ცენტრს 2008 წელს, რუსეთ-საქართველოს ომში დაღუპული ქართველი სერჟანტის, ზაზა ფერაძის სახელი მიენიჭა. ღონისძიების საზეიმო ცერემონიალი სასწავლო ცენტრის ახლად აშენებული შტაბის შენობის წინ გაიმართა.
ღონისძიებას თავდაცვის მინისტრი თინათინ ხიდაშელი, საქართველოს შეიარაღებული ძალების გენერალური შტაბის უფროსი, გენერალ მაიორი ვახტანგ კაპანაძე და თავდაცვის მინისტრის მოადგილეები - დავით ებრალიძე და ანა დოლიძე დაესწრნენ.
„ვფიქრობ, ახალქალაქი ერთ-ერთი მნიშვნელოვანი გეოგრაფიული ადგილი უნდა იყოს საქართველოს შეიარაღებული ძალებისთვის. აქ სრულფასოვანი სასწავლო ცენტრის დაფუძნება, დამკვიდრება და საქმიანობის დაწყება ძალიან ბევრი მიზეზის გამო არის საინტერესო. ბევრი პროექტის განხორციელებას შეუწყობს ხელს და მნიშვნელოვან წვლილს შეიტანს ქვეყანაში მიმდინარე ინტეგრაციულ პროცესში. ცენტრის გახსნა მინდა მივულოცო ჩვენს შეიარაღებულ ძალებს, პირველ რიგში, განათლების სარდლობას. გაზაფხულზე ცენტრი სრულფასოვნად ამოქმედდება და ყველანი ერთად ჩამოვალთ კურსანტებთან შესახვედრად“, - განაცხადა თინათინ ხიდაშელმა.
სასწავლო ცენტრისთვის უფროსი სერჟანტის, ზაზა ფერაძის სახელის მინიჭების ღონისძიებას დაესწრნენ ახალქალაქისა და კუმურდოს ეპარქიის მღვდელმთავარი, მიტროპოლიტი ნიკოლოზი; სამცხე-ჯავახეთის გუბერნატორი აკაკი მაჭუტაძე, ახალქალაქისა საკრებულოს თავმჯდომარე ჰამლეტ მოვსესიანი, ნინოწმინდის გამგებელი გაგიკ კარსლიანი და ადგილობრივი თვითმმართველობის სხვა წარმომადგენლები. ღონისძიებაზე ასევე იმყოფებოდნენ სერჟანტ ზაზა ფერაძის ოჯახის წევრები.
საქართველოს თავდაცვის მინისტრსა და გენერალური შტაბის უფროსს საწყისი საბრძოლო მომზადების ცენტრის ხელმძღვანელობამ სასწავლო გეგმის შესახებ პრეზენტაცია წარუდგინა.
პრეზენტაციის დასრულების შემდეგ თავდაცვის მინისტრმა მშენებარე სასადილო დაათვალიერა და სამუშაოების მიმდინარეობას გაეცნო.
სასადილოს მშენებლობა მიმდინარე წლის ნოემბერში დასრულდება. სამომავლოდ დაგეგმილია ყაზარმისა და საკლასო ოთახების მოწყობაც. სამშენებლო სამუშაოებს „სამშენებლო კომპანია N1“ აწარმოებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.