თბილისის ყველა საჯარო ბაგა-ბაღის 2 550 აღმზრდელი პირველადი გადაუდებელი დახმარების კურსს გადის. ტრენინგებს, რომელიც როგორც თეორიულ, ისე პრაქტიკულ სწავლებას მოიცავს, ტენდერში გამარჯვებული კომპანია „აითი ნოლიჯი“ ატარებს.
სასწავლო კურსი იმ ცოდნის მიწოდებას ითვალისწინებს, რაც ბავშვთან კონტაქტში მყოფი პერსონალისთვის შემთხვევის ადგილზე სასწრაფო დახმარების მისვლამდეა აუცილებელი, მათ შორის, არის ტრავმა, სისხლდენა, გონების დაკარგვა, ხელოვნური სუნთქვა და სხვა გადაუდებელი ღონისძიებები.
ტრენინგის მონაწილე ერთ-ერთ ჯგუფს დღეს თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე შეხვდა.
მისი განცხადებით, ბაგა-ბაღის ყველა ის თანამშრომელი, რომელსაც შეხება აქვს ბავშვებთან, უნდა ფლობდეს ცოდნას იმის შესახებ, თუ როგორ უნდა იმოქმედოს განსაკუთრებულ შემთხვევებში.
პირველადი სამედიცინო დახმარების კუთხით აღმზრდელების გადამზადება ახალი სააღმზრდელო წლის დაწყებამდე დასრულდება და ყველა მსმენელს კვალიფიკაციის დამადასტურებელი სერტიფიკატი გადაეცემა.
ინფორმაციას თბილსის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.