რუსთაველის გამზირზე მიმდინარე აქციაზე მისულმა საქართველოს ყოფილმა პრეზიდენტმა გიორგი მარგველაშვილმა სიტყვით გამოსვლისას განაცხადა, რომ „აი, ესე იწერება ეს ისტორია და ისტორია იქნება ძალიან კარგი“. მისი თქმით, დღეს პარლამენტის წინ მდგომი ადამიანები წერენ საქართველოს ისტორიას.

„ძალიან მტკივნეულია, რომ ეს ისტორია იწერება სისხლით. ჩემი მეგობრის სიტყვებია, რომელიც გარდაიცვალა და რომელიც მე მაშინებდა, რომ თავისუფლების ხე დროდადრო უნდა იყოს მორწყული პატრიოტთა სისხლით და ეს სისხლი აქ დაიღვარა. და ეს სისხლი დღეს არის საწინდარი იმისა, რომ თქვენ იქნებით ამითი გაერთიანებულები და თქვენ არ შეგეშინდებათ.

„მე მჯერა, რომ მომავალი დაიწერება ძალიან ნათელი და ძალიან წმინდა. იმ ხალხს, ვინც სამწუხაროდ, დღეს თქვენ დაგიპირისპირდათ ძალიან სუსტი ილეთები გააჩნიათ თქვენ წინააღმდეგ. მმართველ გუნდს დღეს დარჩა რაღაცნაირი მდარე პიარი, მდარე ჭორაობის დონის ბოტები. რაღაცნაირი კრახაბორული ვაჭრობა, რომელიც ვერ შედგება და იმიტომ ვერ შედგება, რომ აქ არის სიმართლე, აქ არის ძალა და აქ არის ჭეშმარიტი სურვილი საქართველოს მომავლისა“, განაცხადა გიორგი მარგველაშვილმა, რომლის თქმითაც, ყველაფერი საბოლოოდ დასრულდება გამარჯვებით.

„ამიტომ ცოტა იუმორით რომ მოგმართოთ - კობახიძე „ეტა რაზ“, გახარია „ეტა დვა!“-განაცხადა გიორგი მარგველაშვილმა.