„მელია არ უნდა დავაჭერინოთ არც ერთ შემთხვევაში! ამოვიდა ყელში! Enough is enough!“ – წერს მიხეილ სააკაშვილი „ფეისბუქში“. ვიდეომიმართვისას კი სააკაშვილმა განაცხადა, რომ უკან დახევა ახლა არ გამოვა და „ნაციონალური მოძრაობის“ ყველა აქტივისტის მობილიზაცია უნდა მოხდეს, რათა „ამ ბოროტებმა, ამ „ბეზპრედელშჩიკმა“ ივანიშვილმა“ არ გაიმარჯვოს.

„ჩემი სრული მხარდაჭერა ნიკა მელიას და ოპოზიციის სხვა ლიდერებს, რომელთაც ივანიშვილის რეჟიმი უპირებს დაპატიმრებას. მეგობრებო, ეს არის ის ზღვარი, რომელიც გადის დიქტატურასა და დემოკრატიის რაღაც ნიშანსვეტებს შორის. თუ ჩვენ ახლა დავუშვებთ, რომ რომ ქვეყნის ოკუპანტის წინააღმდეგ მშვიდობიანი პროტესტის გამოხატვისთვის დააპატიმრეს ოპოზიციის მთავარი ლიდერები, თუ ჩვენ დავუშვით, რომ ამ ბოროტებმა, ამ „ბეზპრედელშჩიკმა“ ივანიშვილმა გაიმარჯვონ - ეს არის „ბეზპრედელშჩიკი“, ეს არის საქართველოს მტერი და სრული „ბეზპრედელშჩიკი“, სხვა სიტყვა, ქართულში ეს სიტყვა არ არსებობს. ივანიშვილის „ბესპრედელი“ უნდა დამთავრდეს, ივანიშვილის ბოგინი უნდა დამთავრდეს. არც ერთ შემთხვევაში არ უნდა დავაჭერინოთ მელია, რადაც არ უნდა დაგვიჯდეს. „ნაციონალური მოძრაობის“ ყველა აქტივისტი უნდა მობილიზდეს. ახლა არის მომენტი მობილიზაციის, საბოლოო, სრული მობილიზაციის. ახლა არის მომენტი ერთად დგომის, ახლა არის მომენტი ერთმანეთის ხელის ჩაკიდების; ახლა არის მომენტი სრული, ტოტალური, მშვიდობიანი, მაგრამ ძალიან გადამწყვეტი წინააღმდეგობის დიქტატურისა და ამ „ბესპრედელის“, ამ „ბესპრედელშჩიკის“, ამ საქართველოს დაუძინებელი მტრის წინააღმდეგ. ახლა უკან დახევა აღარ გამოვა და ახლა ყველანაირი მოწოდებები დანებებისა და ხელების ჩამოშვებისკენ და ასე ცხვარივით წაყოლაზე, ეს არის საქართველოს მტრობა.

საქართველო საფრთხეშია, ქართულ დემოკრატიას ბოლო ეღება და ახლა საჭიროა, ყველამ ამოვიღოთ ხმა, მიუხედავად წყენებისა, განსხვავებებისა, სხვადასხვა პარტიულობისა. ამას მნიშვნელობა აღარ აქვს, ყველა უნდა დავდგეთ ერთად, ყველა მინუს ერთი, რათა გადარჩეს ჩვენი ქვეყანა და გადარჩეს თითოეული ჩვენგანი და თითოეული თქვენგანი. აბა თქვენ იცით“, აცხადებს სააკაშვილი.