ხონის მუნიციპალიტეტის საკრებულოში, საკრებულოს მორიგი სხდომა გაიმართა, რომელსაც საკრებულოს თავმჯდომარე ვალერი ბახტაძე უძღვებოდა.

საკრებულოს წევრებმა დღის წესრიგით წარმოდგენილი სამი საკითხის შესახებ იმსჯელეს:

1. ხონის მუნიციპალიტეტში ცენტრალური სტადიონისთვის ყოფილი ფეხბურთელის ჯაბა სანოძის სახელის მინიჭების შესახებ. მომხსენებელი: ოლეგი ვაჭარაძე - საკრებულოს ეკონომიკისა და ქონების მართვის კომისიის თავმჯდომარე.

2. ,,ხონის მუნიციპალიტეტის მერიის თანამდებობის პირთა და საჯარო მოხელეთა თანამდებობრივი სარგოს განაკვეთების დამტკიცების შესახებ“ ხონის მუნიციპალიტეტის საკრებულოს 2019 წლის 11 აპრილის N 92 დადგენილებაში ცვლილების შეტანისა და ,,ხონის მუნიციპალიტეტის მერიის საშტატო ნუსხის დამტკიცების შესახებ“ ხონის მუნიციპალიტეტის საკრებულოს 2018 წლის 28 თებერვლის N 40 17 განკარგულების ძალადაკარგულად გამოცხადების შესახებ“. მომხსენებელი: გივი ფხალაძე პირველადი სტრუქტურული ერთეულის, ადმინისტრაციული სამსახურის მეორადი სტრუქტურული ერთეულის იურიდიული განყოფილების უფროსი სპეციალისტი.

3. ,,ხონის მუნიციპალიტეტის 2019 წლის ბიუჯეტის დამტკიცების შესახებ“ ხონის მუნიციპალიტეტის საკრებულოს 2018 წლის 26 დეკემბრის N82 დადგენილებაში ცვლილებების შეტანის შესახებ. მომხსენებელი: ლევანი ჩიხლაძე - მერიის საფინანსო-საბიუჯეტო სამსახურის ხელმძღვანელი.

საკრებულოს გადაწყვეტილებით სამივე საკითხი დამტკიცებულ იქნა.

ინფორმაციას ხონის საკრებულოს პრესსამსახური ავრცელებს.