თბილისის მერიის დაკვეთით, დედაქალაქის მასშტაბით, აეროფოტო და 3D რუკის შესაქმნელად საჰაერო გადაღებები მიმდინარეობს. ფრენებს ტენდერში გამარჯვებული ებრაული კომპანია Offek-ი საფრენი აპარატით (თვითმფრინავი) - Cessna 172 ახორციელებს.
ფრენების ნებართვა 5 ივლისამდეა გაცემული. ფრენების მარშრუტი საჰაერო ნავიგაციის სააგენტოსთან და თავდაცვის სამინისტროსთან წინასწარ არის შეთანხმებული.
აღნიშნული ფრენების შედეგად, თბილისის მუნიციპალიტეტს მაღალი გარჩევადობის ორთოფოტო და 3D რუკის მოდელი ექნება, რაც რიგ სამსახურებს (არქიტექტურა, ურბანული, ქონების მართვა, ზედამხედველობა, ტრანსპორტი, გარემოს დაცვა) საშუალებას მისცემს, თავიანთი ყოველდღიური საქმიანობა უფრო ეფექტურად წარმართონ. ასევე, ეს მასალა ხელმისაწვდომი იქნება მოსახლეობისთვის და იგი ვებგვერდზე - maps.tbilisi.gov.ge განთავსდება.
გვინდა გაცნობოთ, რომ საქართველოში მსგავსი გადაღებები რამდენიმე წელიწადში ერთხელ ხორციელდება. საჰაერო გადაღებები 2014 წლის ბოლოს აწარმოეს, ხოლო მსგავსი ხარისხის აეროგადაღება პირველად ხორციელდება. იგი სხვა ამოცანებთან ერთად, ქალაქის განაშენიანების კონტურის დაზუსტებას ისახავს მიზნად.
ინფორმაციას თბილისის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.