ნატოს სპეციალური ოპერაციების ძალების სარდალი, ვიცე-ადმირალი კოლინ კილრეინი საქართველოს რეგიონული ტურნეს ფარგლებში ეწვია. ჩრდილოატლანტიკური ალიანსის სამხედრო მაღალჩინოსანს საქართველოს თავდაცვის მინისტრმა ლევან იზორიამ უმასპინძლა.
ლევან იზორიამ სტუმარს თავდაცვის უწყებაში მიმდინარე ტრანსფორმაციის პროცესი და გატარებული რეფორმების მიღწეული შედეგი გააცნო. მხარეებს შორის საუბარი საქართველოს და ნატოს სპეციალურ ოპერაციების ძალებს შორის არსებულ თანამშრომლობას და სამომავლო პერსპექტივებს, ასევე ნატო-საქართველოს არსებითი პაკეტის (SNGP) თემასაც შეეხო. თავდაცვის მინისტრმა სტუმარს საქართველოს სპეციალური ოპერაციების ძალების განვითარების პროცესში, ასევე ნატოსთან თავსებადობის გაზრდის კუთხით შეტანილი წვლილისთვის მადლობა გადაუხადა და მომავალ საქმიანობაში წარმატება უსურვა. შეხვედრას საქართველოს თავდაცვის მინისტრის პირველი მოადგილე ლელა ჩიქოვანი დაესწრო.
დღესვე, ნატოს სპეციალური ოპერაციების ძალების სარდალი საქართველოს თავდაცვის ძალების მეთაურს, გენერალ-ლეიტენანტ ვლადიმერ ჩაჩიბაიასაც შეხვდა.
ვიცე-ადმირალი კოლინ კილრეინი სპეციალური ოპერაციების ძალების სარდლის პოზიციაზე მუშაობას უახლოეს მომავალში დასრულებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.