საბერძნეთის რიგგარეშე საპარლამენტო არჩევნებში ოპოზიციური პარტია „ახალი დემოკრატია“ ლიდერობს.

საბერძნეთის შინაგან საქმეთა სამინისტროს პროგნოზით ხმების 39.7% „ახალ დემოკრატიას“ აქვს მიღებული, ხოლო პრემიერ მინისტრ ალექსის ციპრასის პარტია „სირიზას“ 31.5%.

როგორც BBC იუწყება, ეს შედეგები „ახალ დემოკრატიას“ უპირობო უმრავლესობას ანიჭებს, რადგან გამარჯვებული დამატებით 50 ადგილს იღებს პარლამენტში.

BBC-ის ცნობითვე, პრემიერმა ციპრასმა, რომელიც მემარცხენე „სირიზას პარტიას” ხელმძღვანელობს, მოუწოდა ლიდერ კირიაკოს მიცოტაკისს [ფოტოზე] დათმოს გამარჯვება.

ჯერჯერობით დაახლოებით საარჩევნო ოლქების 45%-ის შედეგები არის ცნობილი, ასე რომ ციფრები შესაძლოა შეიცვალოს.

საარჩევნო უბნები ადგილობრივი დროით 19:00 საათზე დაიკეტა. საბერძნეთში დღეს საშინელი სიცხე იყო, რაც წარმოშობდა წუხილებს არჩევნებზე მოქალაქეთა გამოცხადების თაობაზე, თუმცა ვარაუდობენ, რომ ამომრჩეველთა 56% გამოცხადდა საარჩევნო უბნებზე.