„ახლა ვფიქრობ, ვთქვათ მეორე მსოფლიო ომის დროს ბრიტანელ ჟურნალისტს იგივე სიტყვებით შეემკო ჰიტლერი, რომელიც ბომბავდა მის ქვეყანას, ნუთუ ერთი ბრიტანელი მაინც გამოვიდოდა ამის გასაპროტესტებლად?“ - რიტორიკულ შეკითხვას სვამს „ლეიბორისტული პარტიის“ ლიდერი შალვა ნათელაშვილი და ასკვნის, რომ „მტრული სახელმწიფოს სპეცსამსახურებიდან მიღებულმა დოლარებმა, მტრის ადოკატად, მონად, დამცველად და საკუთარი სამშობლოს გამყიდველად გადაქცევა იცის“.

„გიორგი გაბუნიას გამოსვლის ეთიკური მხარე, რომ არავისთვის მისაღები არ იყო ეს ნათლად გაცხადდა პირველ რიგში მისივე კოლეგების მიერ. მაგრამ ყველაფერ ამის გადაზრდა პრო-პუტინისტურ მოძრაობაში უკვე სხვა მოვლენაა. ახლა ვფიქრობ, ვთქვათ მეორე მსოფლიო ომის დროს ბრიტანელ ჟურნალისტს იგივე სიტყვებით შეემკო ჰიტლერი, რომელიც ბომბავდა მის ქვეყანას, ნუთუ ერთი ბრიტანელი მაინც გამოვიდოდა ამის გასაპროტესტებლად? ან ებრაელ ჟურნალისტს დაეშვა არაეთიკური გამოხდომა, პალესტინელთა ლიდერის ან იორდანიის მეფის წინააღმდეგ? ნუთუ ერთი ებრაელი მაინც მივარდებოდა ქნესეტთან? რა თქმა უნდა, გამორიცხულია. აი რა იცის მტრული სახელმწიფოს სპეცსამსახურებიდან მიღებულმა დოლარებმა, მტრის ადოკატად, მონად, დამცველად და საკუთარი სამშობლოს გამყიდველად გადაქცევა. სამწუხაროა. იმედია ამასაც მოვინელებთ“, წერს შალვა ნათელაშვილი „ფეისბუქზე“.