ევროპული საბჭოს პრეზიდენტი დონალდ ტუსკი საქართველოს ეწვია. ქ. ბათუმის საერთაშორისო აეროპორტში დელეგაციას აჭარის ავტონომიური რესპუბლიკის თავმჯდომარე თორნიკე რიჟვაძე და საქართველოს საგარეო საქმეთა მინისტრი დავით ზალკალიანი დახვდნენ.
ევროპული საბჭოს პრეზიდენტი საქართველოს საერთაშორისო კონფერენციის “საქართველოს ევროპული გზა” ფარგლებში სტუმრობს, რომელიც წელს “აღმოსავლეთ პარტნიორობის” 10 წლის იუბილეს ეძღვნება.
დონალდ ტუსკი კონფერენციის მონაწილეებს გახსნის დღეს, 11 ივლისს მიმართავს.
ევროპული საბჭოს პრეზიდენტის დახვედრის ოფიციალურ ცერემონიაში მონაწილეობა მიიღეს ასევე მინისტრის პირველმა მოადგილემ ვახტანგ მახარობლიშვილმა, საქართველოს ელჩმა ევროკავშირში ნატალი საბანაძემ და საქართველოში ევროკავშირის ელჩმა კარლ ჰარცელმა.
ქ. ბათუმს, საერთაშორისო კონფერეციაში „საქართველოს ევროპული გზა“ მონაწილეობის მისაღებად უკვე ეწვივნენ ჩეხეთის, შვედეთის, პოლონეთის და სომხეთის საგარეო საქმეთა მინისტრები.
ბათუმის რიგით მე-16 საერთაშორისო კონფერენცია „აღმოსავლეთ პარტნიორობის“დაფუძნების 10 წლისთავს ეძღვნება, რომლის ფარგლებშიც განხილული იქნება ათწლეულის განმავლობაში მიღწეული შედეგები და თანამშრომლობის სამომავლო ნაბიჯები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.