დეპუტატ კარლო კოპალიანის განცხადებით, ლარის გაუფასურების უკან ზურაბ ადეიშვილის ხელის ბიჭი გიორგი ქადაგიძე დგას. ამის შესახებ დეპუტატმა გაზეთ „ახალ თაობასთან“ საუბრისას განაცხადა.


მისი თქმით, გიორგი ქადაგიძე „ნაციონალური მოძრაობის“ ერთი ჩვეულებრივი ზონდერი იყო და ადეიშვილის დავალებით ბანკებს აკოტრებდა.


„როგორ ფიქრობთ, ახლა ქადაგიძე ადეიშვილის დავალებებს აღარ შეასრულებს? ასრულებს და თანაც ბრწყინვალედ, ლარი აქამდე სწორედ მან მიიყვანა. ეგ დამტკიცებულია ისევე, როგორც დამტკიცებულია ის ფაქტი, რომ ეგ და „ნაციონალები“ ერთ მხარეს არიან“,- განაცხადა დეპუტატმა.


მანვე აღნიშნა, რომ როდესაც რამდენიმე თვის წინ პარლამენტში ლარის კურსთან დაკავშირებით ხმაურიანი განხილვები იყო, „ნაციონალებს“ ქადაგიძისთვის ერთი კითხვაც კი არ დაუსვამთ.


„ლარის კურსთან დაკავშირებით ხმაურიანი განხილვების დროს, „ნაცებს“ ქადაგიძისთვის ერთი კითხვაც არ დაუსვამთ, მაშინ როცა, მთავრობის წევრებს სული ამოხადეს. მე წინა მოწვევის პარლამენტის წევრიც ვიყავი და ისიც კარგად მახსოვს, მაშინ ქადაგიძე რა ტონით და რა თემებზე საუბროდა. ამ ჩანაწერის ამოღება მინდოდა, მივედი არქივში და ის ჩანაწერები ვერსად ვიპოვე. ვიღაცამ შეგნებულად გააქრო“,- განაცხადა კარლო კოპალიანმა.



წყარო: ნიუსპრესი