პრეზიდენტი სალომე ზურაბიშვილი ბათუმის მე-16 საერთაშორისო კონფერენციაზე „ღირებული პარტნიორობის 10 წელი – განვლილი გზა და პერსპექტივები“ სიტყვით გამოვიდა. მისი განცხადებით, დადგა დრო, რომ საქართველოსა და ევროკავშირს შორის ურთიერთობაში ახალი კურსი დაიწყოს.

"ჩვენ გვყავდა ქალი მეფე. ძალიან ბუნებრივია, რომ ახლა ქალი პრეზიდენტი ჰყავს საქართველოს. ჩვენი ღირებულებები, კულტურა, ყველაფერი ევროპულია. ჩვენი პოლიტიკაც ევროპული გახლავთ, ჩვენი მოსახლეობის 80% მხარს უჭერს ევროკავშირში გაწევრიანების მიზანს და ამოცანას. საქართველო გახდა გარკვეული გამონაკლისი, როგორც ყველაზე ენთუზიასტი ქვეყანა და ქომაგი ევროკავშირში გაწევრიანების. ყველა ძირითადი პოლიტიკური პარტია იზიარებს და ხელს უწყობს ევროკავშირისაკენ სვლასა დa ევროკავშირის წევრობას. ამისათვის კი არა ერთი ნაბიჯი გადაიდგა. ჩვენ გვინდა, რაც შეიძლება შორს წავიდეთ ამ გზაზე, რომელზეც უკვე ვდგავართ და რომელსაც ევროკავშირში გაწევრიანების სურვილი ჰქვია", - განაცხადა პრეზიდენტმა.

ბათუმში საერთაშორისო კონფერენცია „საქართველოს ევროპული გზა“გაიხსნა, რომელიც „აღმოსავლეთ პარტნიორობის“ 10 წლის იუბილეს ეძღვნება. კონფერენციაზე სიტყვით გამოვიდა პრემიერ მინისტრი მამუკა ბახტაძე და დონალდ ტუსკი.