ბრაზილიაში მიმდინარე მსოფლიოს ახალგაზრდულ ჩემპიონატზე ბერძნულ-რომაული სტილით ჭიდაობაში ქართველმა მოჭიდავეებმა 4 ოქროს და 1 ვერცხლის მედალი მოიპოვეს.


რამაზ ზოიძე 66 კგ. წონით კატეგორიაში ფინალში რუს ახმეტ კაიცუკოვს დაუპირისპირდა. მან მეტოქე  11- 2 დაამარცხა და მსოფლიო ჩემპიონის ტიტულიც მოიპოვა.


ზვიად პატარიძემ 120 კგ წონით კატეგორიაში ასევე რუსი სპორტსმენი, 2014 წლის მსოფლიო ჩემპიონი სერგეი სემინოვი ანგარიშით, 3-1 დაამარცხა და მსოფლიო ჩემპიონი გახდა.


გელა ბოლქვაძე 74 კგ. წონით კატეგორიაში ფინალში თურქ აკბუდალ ბურჰანის დაუპირისპირდა, ანგარიშით, 4:3 დაამარცხა და ისიც მსოფლიო ჩემპიონი გახდა.


ნიკოლოზ კახელაშვილმა 96 კგ. წონით კატეგორიაში კი ირანელი ჰოსეიმი ამირჰოსეინი ანგარიშით 1:0 დაამარცხა და მანაც მსოფლიო ჩემპიონის ტიტული მოიპოვა.


გადამწყვეტ ბრძოლაში 50 კგ. წონით კატეგორიაში, ირანელ რეზა ხედირთან, ანგარიშით 1:2 დამარცხდა ნიკოლოზ წურწუმია და მან ვერცხლის მედალი მოიპოვა.