სულ მცირე 35-მა ადამიანმა მიიღო მცირე დაზიანებები „Air Canada“-ს კუთვნილი თვითმფრინავის, „ბოინგ 777-200“-ის ტურბულენტურ ზონაში მოხვედრის შედეგად.

როგორც BBC იუწყება, ავიალაინერი, რომლის ბორტზეც 284 მგზავრი იმყოფებოდა ვანკუვერიდან სიდნეიში მიფრინავდა, მაგრამ იძულებული გახდა გეზი ჰავაის მიმართულებით შეეცვალა.

ავიახაზების ცნობით, თვითმფრინავი ჰავაიმდე ორი საათით საფრენ მანძილზე „უეცრად მოხვდა მოწმენდილ ცაზე საჰაერო ტურბულენციაში“. (შენიშვნა: ასეთი ზონის - მოწმენდილ ცაზე საჰაერო ტურბულენტური ზონის იდენტიფიცირება შეუძლებელია. მოწმენდილ ცაზე საჰაერო ტურბულენცია ხდება მშვიდ, ლურჯ ცაზე და მას რაიმე სახის მაჩვენებელი, მაგალითად ღრუბელი არ ახლავს თან. მისი იდენტიფიცირება შიშველი თვალებით ან ტრადიციული რადარებით შეუძლებელია და მფრინავები ხმარობენ სხვა თვითმფრინავების ცნობებს).

ავიახაზებმა მგზავრებისთვის ჰონოლულუში სასტუმროს ნომრები დაჯავშნა და ავსტრალიაში ახალი რეისის დანიშვნამდე მათ ხარჯებს კომპანია გაიღებს.

„ჩვენ ტურბულენციაში მოვყევით და თავები ჭერს მივარტყით, ყველაფერი დაბლა ჩამოცვივდა... ხალხი დაფრინავდა“, განუცხადა ბორტზე მყოფმა მგზავრმა, ჯეს სმიტმა ადგილობრივ ტელეკომპანია KHON-ს.