სოფელ ადიგენში კილომეტრ–ნახევარიანი გზის სარეაბილიტაციო სამუშაოები მიმდინარეობს, რაც მის მოასფალტებას, რკინა–ბეტონის სანიაღვრე არხებისა და მილ–ხიდების მშენებლობას მოიცავს.
ადიგენის მუნიციპალიტეტის გამგეობის ინფორმაციით, ასფალტის საფარი უკვე დაიგო პატარა სმადის და ქვემო ენთელი–ზემო ენთელი–ფხეროს მიმართულებით გზის მონაკვეთზე, ხოლო დაბა ადიგენიდან სოფელ მოხეს მიმართულებით გზის 12 კილომეტრიან მონაკვეთზე მოასფალტებისთვის გზის მოსამზადებელი სამუშაოები ხორციელდება, იწყობა გაბიოენები და მილხიდები.
აქტიურ ფაზაშია სოფელ არალში სკოლის მშენებლობაც, ასევე დ.ადიგენში, ა.ზაზაშვილის ქ. №32 საცხოვრებელი კორპუსის ფასადის სარეაბილიტაციო ღონისძიებები, აღნიშნულ შენობას გამაგრებითი სამუშაოები გასულ წელს ჩაუტარდა.
გამგეობის მიერ გავრცელებულ ინფორმაციაში აღნიშნულია, რომ უკვე დასრულდა ა.ზაზაშვილის ქ. №28, №30 და №34 საცხოვრებელი კორპუსების, ცენტრალური ბიბლიოთეკისა და ყოფილი დაზღვევის შენობების სარეაბილიტაციო სამუშაოები.
ასევე დასრულებულია საქართველოს დამოუკიდებლობისთვის ომში დაღუპულთა მემორიალისა და სოფელ წახანში ქიქინეთთან დამაკავშირებელი რკინის კონსტრუქციის ხიდის მშენებლობა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.