დიდუბის რაიონის გამგეობამ, ექვსი თვის განმავლობაში 31 მისამართზე საგზაო ინფრასტრუქტურა 35 946 კვ.მ. ფართობზე მოაწესრიგა. სამუშაოები განხორციელდა, როგორც ცენტრალურ ქუჩებზე, ასევე შიდა კვარტალურ გზებსა და შიდა ეზოებში.
ინფრასტრუქტურული სამუშაოების ფარგლებში, ასფალტის საფარი მოწესრიგდა აკაკი წერეთლის გამზირის 11 შიდა ეზოსა და თევდორე მღვდლის ქუჩა N51/53-ში.
ასევე, საგზაო სამუშაოები ჩატარდა, ახმეტელის ქუჩის ცენტრალურ ნაწილსა და შიდა ეზოებში, დიღმის მასივის მე-2, მე-3, მე-4 და მე-6 კვარტლების სხვადასხვა კორპუსთან, დისევის ქუჩა N5-ის მიმდებარედ და ტერევერკოსა და ბელიაშვილის ქუჩების მე-3 ჩიხებში.
ამ ეტაპზე, ასფალტის მოწესრიგება მიმდინარეობს რობაქიძის გამზირზე, სადაც კონტრაქტორმა კომპანიამ ტროტუარიდან ასფალტის დაზიანებული ფენა მოხსნა და ასფალტის ახალი საფარი იგება.
აღნიშნული სამუშაოები ტენდერში გამარჯვებულმა კომპანიებმა „ბი ემ სი“ და „დრო“ განახორციელეს, რისთვისაც დიდუბის რაიონის გამგეობის ბიუჯეტიდან 1 250 500 ლარი გამოიყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.