ჟურნალისტი მერაბ მეტრეველი ტელეკომპანია „იმედის“ იუმორისტული გადაცემის „ვასმედიას“ წამყვანის განცხადებას გამოეხმაურა.

ტელეწამყვანმა ვასიკო ოდიშვილმა 13 ივლისს საკუთარ გადაცემაში განაცხადა, რომ აღარ ხუმრობს და მონოლოგი 20-21 ივნისის მოვლენებზე საუბარს, მმართველი გუნდისა და ოპოზიციის კრიტიკას დაუთმო.

მონოლოგს საზოგადოების არაერთგვაროვანი გამოხმაურება მოჰყვა, რაზეც ჟურნალისტი მერაბ მეტრეველი სოციალურ ქსელში წერს:

„ვასიკოს გუშინდელი მონოლოგის მერე ისეთი ხალხიც კი, ვინც “ნაცები” არასდროს ყოფილან, ათასგვარ შეთქმულების თეორიას აგებენ, რატომ თქვა ეს ყველაფერი ვასიკომ და ვისი დავალებით… რა ჩაიფიქრა ბიძინამ – თუ ვინმე მოშემ?..

რატომ არ შეგვიძლია, უბრალოდ დავუშვათ, რომ ადმიანმა ის თქვა, რასაც ფიქრობდა, რაც აწუხებდა? – ასე დავკარგეთ ყველასა და ყველაფრის რწმენა, რომ ყველაფერში ეგრევე რაღაც მზაკვრულ ჩანაფიქრსს ვხედავთ? – მერე გიკვირთ, თვენს ნაბიჯებსაც ვიღაც ეჭვის თვალით რომ უყურებს და ვიღაცის დავალების შემსრულებელი ჰგონიხართ“, –წერს მეტრეველი.