ყველაფერი ეს ჯდება რუსეთის პრეზიდენტის მიერ ამ დღეებში გაცხადებულ ახალ ისტორიაში, რომლის თანახმადაც საქართველო არ არსებობდა და ეს მიწა-წყალი ყველასია ჩვენს გარდა, - აცხადებს „ლეიბორისტული პარტიის“ თავმჯდომარე შალვა ნათელაშვილი „დე-ფაქტო რუსეთ-თურქეთ-ირანის სტრატეგიული ალიანსის ჩამოყალიბების შესახებ კომენტირებისას, რომელიც მისი თქმით, „თანმდევი ორი სატელიტით - აზერბაიჯანითა და სომხეთით“ იმოქმედებს და ამის დასტურია „დავით გარეჯში მიმდინარე უწყვეტი პროვოკაციები, და ე.წ ჯავახეთთან დაკავშირებული სომხურ-შოვინისტური მიდგომების გააქტიურება“.
„ვაშინგტონის კატეგორიული მოთხოვნის მიუხედავად ერდოღანის თურქეთმა მაინც შეიძინა ანტისარაკეტო რუსული სისტემა სს-400-ი. ამით ისტორიაში პირველად ჩამოყალიბდა დე-ფაქტო რუსეთ-თურქეთ-ირანის სტრატეგიული ალიანსი თანმდევი ორი სატელიტით - აზერბაიჯანითა და სომხეთით. პირველ რიგში ეს ხუთეული შეეცდება ჩვენს შეჭმას, რისთვისაც გააქტიურებენ ერევანსა და ბაქოს. სწორედ ამის მტკიცებულებაა აზერბაიჯანის ალბანურ-ქრისტიანულ მემკვიდრეობაზე შეთხზული ყალბი ისტორია და აქედან გამომდინარე დავით გარეჯში მიმდინარე უწყვეტი პროვოკაციები, მეორე მხრივ კი ე.წ ჯავახეთთან დაკავშირებული სომხურ-შოვინისტური მიდგომების გააქტიურება. ყველაფერი ეს კი ჯდება რუსეთის პრეზიდენტის მიერ ამ დღეებში გაცხადებულ ახალ ისტორიაში, რომლის თანახმადაც საქართველო არ არსებობდა და ეს მიწა-წყალი ყველასია ჩვენს გარდა.
მოკლედ, ასეთი საშიში რკალი და უმძიმესი გეოპოლიტიკური ვითარება არასოდეს არ გვქონია. ამას ემატება ევროპაში კრიზისთა ბუკეტი და ამერიკაში საპრეზიდენტო საარჩევნო კამპანიის დაწყება. ტრამპი ისედაც ლატენტური სიმპატიებით იყო განწყობილი პუტინზე და ახლა როდესაც იგი კოჭლი იხვობის სტადიაში შევიდა, ეს უფრო ართულებს ჩვენს მდგომარეობას. ერთადერთი გამოსავალი ამერიკული ბაზის გახსნაა, რაზედაც უნდა გააქტიურდეს მუშაობა შეერთებულ შტატებთან. ჩვენ ჩვენის მხრივ ეს ბრძოლა უკვე დაწყებული გვაქვს. ივანიშვილის რეჟმის ჩამოშლა დააჩქარებს ამ გეოპოლიტიკური ჩიხიდან საქართველოს გამოსვლას. კიდევ ერთხელ უდიდესი მადლობა 20 ივნისის ისტორიული ღამის მონაწილე ჩვენს გმირ ხალხს, რომლებმაც საფუძველი დაუდეს პუტინისტური ხელისუფლების დასასრულს ჩვენს მიწაზე“, წერს შალვა ნათელაშვილი სოციალურ ქსელში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.