მთაწმინდის გამგეობამ კოჯორში, იუნკერების ქუჩაზე, ცენტრალური პარკის რეაბილიტაცია დაასრულა. სკვერის ტერიტორია ახლებურად დაგეგმარდა და სრულად განახლდა ინფრასტრუქტურა.
პროექტის ფარგლებში, საფეხმავლო ბილიკებზე დეკორატიული ფილები დაიგო, ხოლო არსებული კიბეები ბაზალტის ქვებით მოპირკეთდა. მოეწყო ფიტნეს და საბავშვო გასართობი ზონები - დამონტაჟდა სხვადასხვა ატრაქციონი, მათ შორის, ადაპტირებული საქანელა შშმ პირებისთვის. სკვერში, ასევე, მოეწყო განათების ქსელი, სარწყავი სისტემა და ადაპტირებული წყარო.
აღდგენითი სამუშაოები ჩაუტარდა ტერიტორიაზე არსებულ ნაგებობებს და ქართველი პოეტისა და სამხედრო მოღვაწის, გრიგოლ ორბელიანის მონუმენტს. რეაბილიტირდა სკვერში მდებარე მინი სპორტული მოედანი.
ჩატარდა გამწვანების მასშტაბური სამუშაოები - მწვანე ნარგავებისთვის შესაბამისი ზონები გამოიყო, სადაც ტუიას, კვიდოს, უთხოვარისა და წყავის ნერგები დაირგო. ხვიარა ვარდებისთვის კი ლითონის კონსტრუქციები დამონტაჟდა, რის გასწვრივაც საბაღე სკამები და ურნები დაიდგა. შესაბამისი ინვენტარი სკვერის მთელ ტერიტორიაზე განთავსდა.
კოჯრის ცენტრალური პარკის რეაბილიტაციისთვის გამგეობის ბიუჯეტიდან 440 ათასი ლარი დაიხარჯა.
ინფორმაციას თბილისის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.