როდესაც საარჩევნო კამპანია დაიწყება, ჩვენ, ოპოზიციური პარტიები, ჩვენსას ვეცდებით, რომ ამომრჩეველი მოვმართოთ ჩვენკენ და ბუნებრივია, ამომრჩეველი წავა იმ პარტიისკენ, რომელთანაც დაინახავს უფრო მეტ ძალისხმევას, რომ ამ ქვეყანას რამე ეშველოს, ეს ბუნებრივი პროცესი იწყება, მაგრამ ახლა ამის დრო არ არის. მე მივესალმები ყველას, ვინც დადგება ისტორიის სწორ მხარეს,  - განაცხადა „ნაციონალური მოძრაობის“ ლიდერმა ნიკა მელიამ ტელეკომპანია "პირველის" ეთერში.

მელია დარწმნებულია, რომ „ნაციონალური მოძრაობა“ ერთადერთი სისტემური პარტიაა და ივანიშვილის დამარცხება მის გარეშე შეუძლებელია, რასაც, მისი თქმით, პატარა პარტიებიც ათვიცნობიერებენ.

„მე დარწმუნებული ვარ „ნაციონალური მოძრაობა“ არის ერთადერთი სისტემური პარტია საქართველოში, იმის მიუხედავად, მოსწონს თუ არა ის ვინმეს და დარწმუნებული ვარ იმაში, რომ ბიძინა ივანიშვილის დამარცხება „ნაციონალური მოძრაობის“ გარეშე არ არსებობს და ამას ათვიცნობერებს პირველ რიგში ბიძინა ივანიშვილი, პატარა პარტიებმაც მშვენივრად იციან, რომ „ნაციონალური მოძრაობის“ გარეშე ბიძინა ივანიშვილს ვერ დაამარცხებენ“, განაცხადა მელიამ.