შინაგან საქმეთა სამინისტროს დელეგაცია, მინისტრის მოადგილის - ვლადიმერ ბორცვაძის ხელმძღვანელობით, ოფიციალური ვიზიტით ვარშავას ეწვია. ვიზიტი პოლონური მხარის მიწვევით, პოლონეთის პოლიციის 100 წლის საიუბილეო ღონისძიებებთან დაკავშირებით განხორციელდა.
საქართველოს შინაგან საქმეთა სამინისტროს პოლიციის ატაშე პოლონეთის რესპუბლიკაში, პოლკოვნიკი გიორგი გამსახურდია პოლონეთის სახელმწიფო პოლიციის დაარსების 100 წლის საიუბილეო მედლით დაჯილდოვდა. მას ჯილდო პოლიციის ტრადიციების პოპულარიზაციისა და მიღწევების საქმეში შეტანილი წვლილისთვის გადაეცა. გიორგი გამსახურდია გასულ წელს პოლონეთის რესპუბლიკის შინაგან საქმეთა და ადმინისტრაციის მინისტრმა, იოაჰიმ ბრუჯინსკიმ ბრინჯაოს მედლით დააჯილდოვა.
ბოლო წლების განმავლობაში საქართველოსა და პოლონეთს შორის სამართალდაცვით სფეროში თანამშრომლობა უფრო მჭიდრო გახდა. ორი ქვეყნის საპოლიციო სტრუქტურების წარმომადგენლები ერთმანეთს მუდმივად უზიარებენ გამოცდილებას ტრანსნაციონალური ორგანიზებული დანაშაულისა და ნარკოდანაშაულის წინააღმდეგ ბრძოლის მეთოდებზე, ასევე, საგზაო მოძრაობის უსაფრთხოების შესახებ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.