პრეზიდენტს არ აქვს არა კომპეტენცია, არამედ უფლება, რომ ჩაერიოს ასეთ საქმეში და გამოხატოს თავისი შეხედულება, - საქართველოს პრეზიდენტმა სალომე ზურაბიშვილმა „თი-ბი-სი“ ბანკის დამფუძნებლების - მამუკა ხაზარაძისა და ბადრი ჯაფარიძის საქმის შესახებ განცხადება გააკეთა.

ზურაბიშვილმა განმარტა, რომ პრეზიდენტს არ აქვს უფლება, რომ მსგავს საქმეში ჩაერიოს, სანამ მასში პროკურატურა და სასამართლოა ჩართული.

„მე მესმის, რომ სხვადასხვა ოპოზიციური პარტიები ამაზე თავიანთ შეხედულებებს გააჟღერებენ, მე ვარ გათვიცნობიერებული იმ ინფორმაციებში, რაც ჯერჯერობით არსებობს და მე ამას ვაკვირდები, ჩემი ანალიზებიც მაქვს, მაგრამ მე ვთვლი და ეს უნდა კარგად გაიგოთ, რომ პრეზიდენტს არ აქვს არა კომპეტენცია, არამედ უფლება, რომ ჩაერიოს ასეთ საქმეში და გამოხატოს თავისი შეხედულება. სანამ პროკურატურა და სასამართლო არის ჩართული, ამაზე პრეზიდენტის კომენტარის გაკეთება არის უშუალოდ ჩარევა“ , განაცხადა პრეზიდენტმა.