ბიძინა ივანიშვილი კომპლექსურად  მისდევს ტერორს და რეპრესიებს, ერთი არის მამუკა ხაზარაძისა და ბადრი ჯაფარიძის თემა, პორტის საკითხი. რუსეთის ინტერესებში შედის, რომ არ აშენდეს ანაკლია, ან თუ აშენდება, რუსების კონტროლის ქვეშ იქნება, როგორც ჩანს, ამას ვერ ახერხებს, ამიტომ დაიწყო მან რეპრესია ხაზარაძისა და ჯაფარიძის, - განაცხადა ტელეკომპანია „პირველის“ ეთერში პოლიტიკური მოძრაობა „გამარჯვებული საქართველოს" წარმომადგენელმა გუბაზ სანიკიძემ.

მისი თქმით, ხაზარაძე-ჯაფარიძის, „რუსთავი-2“ -ისა და ირაკლი ოქრუაშვილის საქმეები ქართული საზოგადოების დაშინებაა.

„მეორე მიმართულება ეს არის თავისუფალი სიტყვა - „რუსთავი2“ -ის საკითხი, პოლიტიკური დევნა პოლიტიკური პარტიებისა, ეს არის ირაკლი ოქრუაშვილი, რომელიც უკვე ციხეში ზის და ეს არის ქართული საზოგადოების დაშინება. სიმბოლოდ გამოვიყენებდი ამ შემთვევაში ბეჟან ლორთქიფანიძეს, რომელიც თავისუფალი ინტელექტუალური ქართული  წრეების წარმომადგენელია, რომელიც თავისუფალი საქართველოს პროდუქტია  და არა საბჭოთა კავშირის, ბიძინას ასეთ ხალხთან არასდროს ქონია ურთიერთობა, მას ყოველთვის ჰქონდა კავშირი გამყიდველ და ქვეყნის მოღალატე ინტელიგენციასთან, რომელიც უკვე გადადის მოდიდან და დროც მოინელებს ამ ადამიანებს და ძალიან ცუდად ამთავრებენ ეს მოსყიდული ინტელიგენტები, სამწუხაროდ.ამიტომ ის უპირისპირდება მთლიანად ქართულ საზოგადოებას და რატომ შვრება ამას- მარტივი შეკითხვაა, მართლა ასე გაგიჟდა? თუმცა ჭკუასთან ახლოს უკვე აღარ არის ბიძინა, აქ არის საუბარი იმაზე, რომ  საქართველო უნდა ჩააბარონ რუსეთს და ბიძინა ამ შემთხვევაში არის კოლაბორაციონისტი. შემდეგ როგორც ვითარდება სიტუაცია საქართველოში, უფრო მეტნი ვხდებით დარწმუნებული, რომ იმ დღეს ჩვენ საქართველო გადავარჩინეთ სახელმწიფო გადატრიალებას ხელისუფლების მხრიდან და ხელისუფლება ამ გადატრიალებას აპირებდა.

ერთია როცა ცუდ საქმეს კარგად აკეთებ, ეს ძალიან სახიფათოა, მაგრამ  როცა ცუდ საქმეს ცუდად აკეთებ, გამოსავალი ყოველთვის არის. ბიძინა ივანიშვილს გარშემო ჰყავს ბრიყვები, ბრიყვების მართვა ადვილია, მაგრამ ბრიყვებით მართვა ძალიან რთულია და მას ეს ოპერაცია საქართველოს ჩაბარებისა ჩაუვარდა, ამიტომ მას პუტინთან „სისხლიანი საშემოდგომო“ აქვს გამოყოლილი“ , განაცხადა სანიკიძემ.